话咁快下个星期就已经踏入4月，又到咗一年一度嘅拜山大日子。每年3月底开始，位于越秀区并有「广州清明祭品一条街」之称嘅仁济西路潮兴街就会变得热闹，好多婆婆阿姨都会专登嚟哩度选购清明节嘅祭祖用品。

  除咗香烛之外最受欢迎嘅就係纸扎品，由「衫裤鞋袜」到「吃喝玩乐」，由「传统款」到「新潮款」哩度都一应俱全，小编去到现场真係被惊艳到，各种似真非真嘅纸扎品摆晒係眼前任君选择。

  2018

  最新款清明纸扎祭品一览

  电影入面经常出现嘅传统款纸扎大屋、飞机跑车需求量最大，几乎挂晒喺每间铺头最显眼嘅位置。

  而家通街都係"低头族"，手机已经成为呢个社会嘅必需品，当然祖先亦都唔例外，三星、苹果等大品牌成为纸紮手机嘅热门首选。细心嘅商家会附送64G纸扎内存卡之余，仲会帮客户装埋“微信”、“淘宝”等热门app，真係服务到家啊！

  由头到脚，一年四季嘅全套衫裤鞋袜喺一间店就可以搞掂晒。

  Guccy包包、Channel包包、TV包包多到数唔晒，呢度款式齐全、价格实惠、质量保证。

  一年一度清明拜山，最紧要就係先人可以“饮饱食醉”，虽然以上呢种祭祖套餐望落几丰富，不过前来选购嘅街坊大多数都会选择翻以真实嘅食物例如乳猪、烧肉来祭祖，拜完祖先之后每人分翻一份仲可以攞个吉利。

  生活用品类算係咁多纸扎产品入面仿真度最高嘅，唔仔细睇真係唔发觉同我哋平时用嘅有咩区别。

  传统家具电器以外，某部分“盏鬼”档口挂卖1:1大小嘅纸扎电磁炉。

  随住市民生活质素嘅提高，追求高品质嘅社会心理亦都被投入到纸扎产品当中，好似今年新款嘅青花瓷套装、高级茶具套餐就好受市民欢迎。

  惊祖先“闷”亲？牌九、麻雀、平板pad、游戏机，够晒同亲朋好友hea足一日。

  无论係茅台加轩尼诗嘅中西合璧套装，定系鱼翅鲍鱼瑶柱套装，送礼就够晒体面，再唔啱嘅话，999黄金首饰亦都係唔错嘅选择。

  清明节本身存在嘅意义就係想大家可以有个时间好好缅怀、祭奠先人嘅同时，亲戚朋友聚一聚互相勉励对方，至于缅怀嘅方式选择因人而异，最紧要都係嗰份心意。

  编 辑 / 啊 铭